أشتقت لـ وصالك وقلبي حن لك بالحيل
ودقات نبض القلب لازادت تهد الحيل
القاها منك ولا من وحشة ظلام الليل !
حياتي من دونك حبيبي ما تصورها
أنت أول احبابي على الدنيا واخرها
اقدر على كل شي بس الفرقا مااقدرها
عسى الله يجيبك ياغاية حبيبك
أخترتك بقلبي وعيني ولا ابي سواك
أحبك وشوقي لعب في خفوقي
مدري متى اشبك يديني بيدك وانا وياك
روحي بعد فرقاك مدري وش حصل فيها
لا مرها طاريك يذبحها ويحييها
الله يقطع ساعة الفرقا ياشين وطاريها
ليتك تحس بلهفة المشتاق وتراعيه
الشوق بغيابك برى حاله وعزر فيه
لاتحدني على الجفا وتقول انا مابيه
تجرحني واحبك متى تخاف ربك
مهما حصل وبينك وبيني
ببقى معك واهواك
حبيبي فديتك ترى القلب بيتك
يكمل بحبك نصف ديني
العمر لك وعفاك
تجرح واحبك
يعود المنشد السعودي غريب ال مخلص بعمل جديد وهي شيلة تجرح واحبك من كلمات الشاعر عيسى بن مهل وتوزيع حازم الابيض واغنية تجرح واحبك من احدث اعمال غريب ال مخلص.