كلمات شيلة امانه لاتخليني – فلاح المسردي

تعبت اساير الحزن المطول و اكتم العبرات
وحزني للسنين المقبله وش عاد بقالي

تخاطفني هموم تاثر بحالي لامنها جات
اشوف الموت بعيوني ولو ان موتي اشوالي

ترا بعدك خذا عمري وانا عمري معك بالذات
انا ما قدر على بعدك ولا فرقاك من تالي

انا مغرم بك ولكن ظروف الوقت والعادات
ضحيه وقتي اللي فيه كأني مغرم لحالي

الا ليت الزمان يرؤوف بحالي واترك الاهات
لاكنه واقف ضدي وعيا ماتهيالي

تصدق ذكرياتي ما اعتبرها معك ذكريات
لان الهجر من عقب الوصل موت يروالي

امانه لا تخليني بلا روح وكذا موات
اخاف الوحش في قبر المحبه والخلا الخالي

بعيش العمر باقيه معك ما فوته لحظات
وتصغر كل هالدنيا بعيني وانته اقبالي

احبك حب تعجز في وصف حبي لك الكلمات
ياقبله من على ذالكون يا اجمل من تعنالي

تخيلتك وانا اناديك في لحظه خيال فات
تلبي لي وانا البي بنبره صوتي العالي

واضمك ضمه المشتاق اسابق وقتنا الفوات
ثواني عشق تشفيني وتحييي باقي امالي

معاليق الحشى لك ملك محدن وسطها قد بات
ترفق بي وصون العهد وانت الغالي الغالي

ولو خيرت ياما فراق ولا قالو انه مات
خياري الموت بختاره على بعدك ولا آمالي

 

شيلة امانة لاتخليني

يعود المنشد السعودي فلاح المسردي بعمل فني جديد ورائع وهي شيلة رومانسيه من كلمات الشاعر حمد بن حشه وتوزيع احمد محروس وشيلة امانه لاتخليني هي شيلة رومانسيه تتحدث عن الحب والفراق والشوق وصدرت في يوليو عام 2020.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *